علاش نصعبو فيها و هي ساهلة ؟

-
علاش نصعبو فيها و هي ساهلة ؟
انا نعرفك تحبني اما عاملة فيها متجاهلة
لي بيناتنا مايوفاش
ليالينا حاجة ماتتنساش
و الشمعة الي شعلناها بيدينا
ما تطفاش
تتفكر قداش حكينا
قداه مشينا في ثنيا طويلة شادين يدينا
وكي نبداو مع بعضنا
المحبة تحكم دنيتنا
وهاذي هي قوتنا
قوة بمال الدنيا ما تتشراش
و الفرحة علينا ماتتخباش
مالا علاش ؟
علاه عاملة في روحك نسيت
ارجع..
راهو الضلام الي بيناتنا ولايفجع..
والقمرة الي حبيناها حزينة تدمع
ارجع و رجع النجمة الي مضويا ليلينا
و خلي ضحكتك ترجع ايامنا زينة
في رجوعك تتربط اسامينا
تغرقنا في دلال وتخلينا ..
قالولك ابعد باش تنسى
وقلبك يبرد و تڨسى
اما انت مش كيفهم
انت ملايكة و قلبك حنين
البعد عليا خلاه يتعب ،
يعاني وحزين
خاتر انا وايك روح واحد عايشة فينا الاثنين
ونعرفك مازلت تحبني وكلماتنا مانسيتهمش مازالو في مخك منقوشين
واخرت اوراقك مكشوفين
خاتر الحب ماتفضحو كان العينين ..

Commentaires

Enregistrer un commentaire

Posts les plus consultés de ce blog

وليت نخاف من روحي عليك

-
Image
وليت نخاف من روحي عليك .. نخاف لانهار نمشي و نخليك و انا لي منجمش نعدي نهار بلا بيك انت الي فكيت بلاصتك فيا وقتلي طاحت بيا مالقيتك كان انت  حنيت عليا ، هزيت معايا انت الي وقفتني على ساقيا و ستانست بيك وليت نموت عنومة بين يديك كان نلقى نعنقك توا و نغطس فيك وليت نخاف من روحي عليك .. وليت نخاف لا بعدي تتعب وانت تعرف هكا عليا باش تصعب خاتر كان جات بيديا نفكك من روحك و مانخليكش نهار بعيدة عليا انا ملول كنت واضح معاك و عمري ما كذبت عليك من اول نهار ريتك تخبيت فيك قتلك احكيلي يا بنيا شبيك ؟ نشوف في برشا حزن في عينيك خلينا هكا لا تتعلق بيا لا نتعلق بيك .. مانيش ولد حرام مانحبش نكمل عليك مانحبش نبنيلك فالجنة قصر و نبات ليالي نمني فيك وانا عارف لي في شطر الثنية بش نسيبلك يديك وليت نخاف من روحي عليك .. خاتر لقيت روحي ضايعة  في ثنايا ما تعديش في طقس ضباب ما يوريش في حكاية موش مكتوبلها تعيش اما نحبك تتأكد عمرها مكانت حكاية متع صغر عمرها مكانت حكاية متع طيش نحبك بعدي تعيش نحب نراك عروسة ، تفرح و كي نجي على بالك تتفكرني بالبوسة المرصوصة و كيما العادة  نحبك بروحك مغرومة ، و نهار و طولو اكا الضحكة  ع
Lire la suite

فيسع نسيت ؟

-
Image
فيسع نسيتني ؟ وفيت في حياتك و سكرت الكتاب و تعديتني ؟ متحبش تعرف اخباري ولا تسالني كيفاه عديت نهاري زعما مانجيش على بالك وتعنقني في خيالك.. ماحسيتش دنيا تبدلت في بُعدي ؟ انا حسبتك لقلبي صاحبة و خليلة معقولة عشرتنا نسيتها في ليلة ؟ فيسع نسيت ؟ زعما ماتوحشتنيش ؟ و حتى بالصدفة في حلمتك مانجيش ؟ ولا كي اسمي يتقال قدامك مايحركش الشوق في قلبك ويفيقك من منامك ؟ يلزك تقدم خطوة في ثنيتي .. ترّجع دقايق عديناهم مع بعضنا و تدخل الفرحة لبيتي نحب نشبع من ضحتك و نملى عيني بيك نشم ريحتك البنينة و نوعدك ماعدش نخليك نتكاو على فرش المحبة و الغرام و نعدي ليالي طاير بيك انا ديما قد وعدي كي تضحكني انتي و تقلي ما اقوى سعدي نقلك في غرامك لا قبلي لا بعدي وعمري ماني مسلّم فيك حتى اليوم بعيد عليك مانقفش في محبتك كل دقيقة نخمم فيك .. فيسع نسيت و العشرة هانت عليك ؟ ولا محبتي ماعدش تعنيك؟ # ڨوستافو_ڨافيريا
Lire la suite

التلعثم

-
Image
أنا مجرد حبل مشنقة لا يريد سوى شنق جميع من لاذ بالفرار من المواجهة! أنا الجسد  الذي ينفر كل عناق و إلتصاق وإلتحام وإحتدام. أنا الرغبة في الإندثار، لا إنتشار بعد الإنصهار داخل غياهب الوعي المفرط. أنا الحزن والعجز، أنا حزين وهذا كفيل بجعلي أنبش ذاكرتي التي أحاول جاهدا أن أمحوها،هذه التعاسة تحثتي على الكتابة وبدونها لست الفهد الصلب الذي عهده قلمي. قلمي، الذي يتقيأ قلبه في كل مرة حاول أن يتمسك بقشة الشعور أو الإحساس بأبسط الأمور. إنها الساعة الثانية عشر أو ربما الخامسة،لست أدري حقا، فلم تعد عقارب الساعة كالسابق،أصبحت متجمدة،أصبح الوقت متجمدا كأطراف جسدي،كأناملي التي ما تجرأت أن تخط حرفا دون أن تنساب مع تيار الإحباط والعجز. لم أكتب أحدا مذ مدة فأنا كما تعملين أمر بفترة تخلو من الفرح والحزن،ركود،توازن بين البكاء دون دموع  والضحك دون إلإبتسام، اللامبالاة تشغل حيزا من غرفة دماغي. فقررت أن أحرك هرومونات الكتابة لدي وذلك بالبحث عن أمر يدفعني للبكاء أو الإحساس بالضعف... زرت جميع الذكريات لدي.. وضعت أغان حزينة... أصغيت قرابة الساعة إلى حبيبتي lana del rey لكن لا فائ
Lire la suite