خليك راجل معاها
خليك راجل معاها حبها , صونها و استحفظ عليها خليها كي النجمة تلمع في سماها و كي الياسمينة الي ريحتها البنينة طايرة في هواك.. تلها بيها و كون حنين عليها كي بوها خاف عليها ولا كي خوها اضحك معاها حسسها بقيمتها عندك خليك قريب منها حبها و دللها وريها بلاصتها عندك وقدرها المرا تحب شكون يتلها بيها شكون يفهمها و يسمعها من عينيها شكون يكون كل شي في حياتها يهربها بعيد من دنيتها يطير بيها في السماء وفي تعبها ينسيها حبها عاقلة زينتها في عقوليتها حبها خرنانة و حشامة حبها سكوتيا ولا مسمامة خاتر كل مرا تضهر زينتها في محبتها و الزين مخبي في طبيعتها كل مرا تحب شكون يتلها بيها شكون تغلط يصلحلها ثنيتها و يوريها باش كي تطيح بيك تلقاها هي تاقفلك ماتخليهاش بيك و تنحي من لحمها و تعطيك هي الشمعة الي كل ماتضلام حياتك تضوي عليك هي الصدر الحنين الي يخبيك و في ايام فرحتك تدمع عيناها عليك المرا نعمة من عند ربي المرة الثرية الي مزينة حياتنا هي الام الي تعبت علينا و رباتنا و الاخت الي ديما واقفا معانا وعمرها مانساتنا المرا هي الحب .