عملة وعملتها بيديك

-


عملة وعملتها بيديك
كي حبيتنا نبعدو رديتني دوني
عاملة مولى الدار مش هوني
قتلي تخنقت وبردت
حرت لين مخي فلت
خاتر انا عمري مابردت
يالا انا ناري شاعلة ، جمرة والعة
و انتي مانشبعشي بيك
انا شهوتي نغرق في شونك
نقرالك جفونك
و السطور الي على كف يديك
حلمتي نطلع دروج عينيك
و نوصل بيه للقلبك
و نشوفك شبيك ياخي شبيك
شصارلك ؟
زعما سحر
طارلك وجاني و بالاسم سماني
قلي انتي فلان الفولاني ؟
قتلو اي قلي ايجاني ايجاني
و منهارتها ساكن فيا
ضرني عماني
ولا ماتمّنش ؟ باهي مش سحر
قوة والقوة لربي
مانيش باش نفوتك
خاتر انا نعرف قوتك
انتي قوتك في سكوتك
تشوقني ليالي باش نسمع صوتك
قوتك ماتخممش اما تحسب تحسبها باش ما تتعلقش
و كي تختار تبعد ما تنمدش
والحكاية ماتضركش
و نسّاية لايهمك في تصاورنا
و لاتتفكر حكاية
عمرك ماقتلي تفكرني بغناية
على قد مازينتلك لياليك كنجمة الضواية
نسّاية..
مانكذبش عليك نتوحشك
و ديما بخيالي نسرح فيك
خاتر الروح تحب عليك
وبش تقعد خيال عايش معايا
مانجمش نشبع بيك..

Commentaires

Enregistrer un commentaire

Posts les plus consultés de ce blog

وليت نخاف من روحي عليك

-
Image
وليت نخاف من روحي عليك .. نخاف لانهار نمشي و نخليك و انا لي منجمش نعدي نهار بلا بيك انت الي فكيت بلاصتك فيا وقتلي طاحت بيا مالقيتك كان انت  حنيت عليا ، هزيت معايا انت الي وقفتني على ساقيا و ستانست بيك وليت نموت عنومة بين يديك كان نلقى نعنقك توا و نغطس فيك وليت نخاف من روحي عليك .. وليت نخاف لا بعدي تتعب وانت تعرف هكا عليا باش تصعب خاتر كان جات بيديا نفكك من روحك و مانخليكش نهار بعيدة عليا انا ملول كنت واضح معاك و عمري ما كذبت عليك من اول نهار ريتك تخبيت فيك قتلك احكيلي يا بنيا شبيك ؟ نشوف في برشا حزن في عينيك خلينا هكا لا تتعلق بيا لا نتعلق بيك .. مانيش ولد حرام مانحبش نكمل عليك مانحبش نبنيلك فالجنة قصر و نبات ليالي نمني فيك وانا عارف لي في شطر الثنية بش نسيبلك يديك وليت نخاف من روحي عليك .. خاتر لقيت روحي ضايعة  في ثنايا ما تعديش في طقس ضباب ما يوريش في حكاية موش مكتوبلها تعيش اما نحبك تتأكد عمرها مكانت حكاية متع صغر عمرها مكانت حكاية متع طيش نحبك بعدي تعيش نحب نراك عروسة ، تفرح و كي نجي على بالك تتفكرني بالبوسة المرصوصة و كيما العادة  نحبك بروحك مغرومة ، و نهار و طولو اكا الضحكة  ع
Lire la suite

فيسع نسيت ؟

-
Image
فيسع نسيتني ؟ وفيت في حياتك و سكرت الكتاب و تعديتني ؟ متحبش تعرف اخباري ولا تسالني كيفاه عديت نهاري زعما مانجيش على بالك وتعنقني في خيالك.. ماحسيتش دنيا تبدلت في بُعدي ؟ انا حسبتك لقلبي صاحبة و خليلة معقولة عشرتنا نسيتها في ليلة ؟ فيسع نسيت ؟ زعما ماتوحشتنيش ؟ و حتى بالصدفة في حلمتك مانجيش ؟ ولا كي اسمي يتقال قدامك مايحركش الشوق في قلبك ويفيقك من منامك ؟ يلزك تقدم خطوة في ثنيتي .. ترّجع دقايق عديناهم مع بعضنا و تدخل الفرحة لبيتي نحب نشبع من ضحتك و نملى عيني بيك نشم ريحتك البنينة و نوعدك ماعدش نخليك نتكاو على فرش المحبة و الغرام و نعدي ليالي طاير بيك انا ديما قد وعدي كي تضحكني انتي و تقلي ما اقوى سعدي نقلك في غرامك لا قبلي لا بعدي وعمري ماني مسلّم فيك حتى اليوم بعيد عليك مانقفش في محبتك كل دقيقة نخمم فيك .. فيسع نسيت و العشرة هانت عليك ؟ ولا محبتي ماعدش تعنيك؟ # ڨوستافو_ڨافيريا
Lire la suite

التلعثم

-
Image
أنا مجرد حبل مشنقة لا يريد سوى شنق جميع من لاذ بالفرار من المواجهة! أنا الجسد  الذي ينفر كل عناق و إلتصاق وإلتحام وإحتدام. أنا الرغبة في الإندثار، لا إنتشار بعد الإنصهار داخل غياهب الوعي المفرط. أنا الحزن والعجز، أنا حزين وهذا كفيل بجعلي أنبش ذاكرتي التي أحاول جاهدا أن أمحوها،هذه التعاسة تحثتي على الكتابة وبدونها لست الفهد الصلب الذي عهده قلمي. قلمي، الذي يتقيأ قلبه في كل مرة حاول أن يتمسك بقشة الشعور أو الإحساس بأبسط الأمور. إنها الساعة الثانية عشر أو ربما الخامسة،لست أدري حقا، فلم تعد عقارب الساعة كالسابق،أصبحت متجمدة،أصبح الوقت متجمدا كأطراف جسدي،كأناملي التي ما تجرأت أن تخط حرفا دون أن تنساب مع تيار الإحباط والعجز. لم أكتب أحدا مذ مدة فأنا كما تعملين أمر بفترة تخلو من الفرح والحزن،ركود،توازن بين البكاء دون دموع  والضحك دون إلإبتسام، اللامبالاة تشغل حيزا من غرفة دماغي. فقررت أن أحرك هرومونات الكتابة لدي وذلك بالبحث عن أمر يدفعني للبكاء أو الإحساس بالضعف... زرت جميع الذكريات لدي.. وضعت أغان حزينة... أصغيت قرابة الساعة إلى حبيبتي lana del rey لكن لا فائ
Lire la suite